Malilo 4:1-22
א [Aleph]
4 Gauda yebenya haisa benya hahulu, yona gauda yende!+
Macwe aakenile+ ahasani fa makona kaufela a mikwakwa!*+
ב [Beth]
2 Haili bana ba Sione babutokwa, bane balikanyezwa kwa* gauda yekenisizwe,Sebangiwa sina lipiza za lizupa,Ona musebezi wa mazoho a mubupi wa lipiza!
ג [Gimel]
3 Nihaiba mawawa afanga bana baona mazwele kuli baanye,Kono mwanaa musizana wa sicaba sahesu ufetuhile yanani lunya,+ sina limpye ze mwa lihalaupa.+
ד [Daleth]
4 Lulimi lwa mbututu yeanya lulamatela mwahanu kabakala linyolwa.
Banana bakupa sico,+ kono hakuna yabafa sona.+
ה [He]
5 Bane bacanga lico zetabusa balobezi mwa mikwakwa inze balapile.*+
Bane bahulisizwe inze baapala liapalo za bufubelu bobutona+ balapami fa mabunda a mufuse.
ו [Waw]
6 Koto* ya mwanaa musizana wa sicaba sahesu ki yetuna kufita koto ya sibi sa Sodoma,+Ona muleneñi one usinyizwe ka nako iliñwi feela, kusina lizoho leli utusa.+
ז [Zayin]
7 Manazareni+ bahae nebali babakenile hahulu kufita litwa, babasweu kufita muzilili.
Nebali babafubelu kufita likorale; nebaswana sina macwe a safiro akenisizwe.
ח [Heth]
8 Sebabonahala bunsu kufita musili;*Habazibahali habali mwa mikwakwa.
Litalo labona likokonyanezi fa masapo abona;+ seliswana sina kota yeomile.
ט [Teth]
9 Bababulailwe ka mukwale bambubo kufita bababulailwe ki lukupwe,+Babañwañuluka bakeñisa kutokwa lico mwa simu, inge babatabilwe ka mukwale.
י [Yod]
10 Mazoho a basali babanani mukekecima aapehile bana babona bakuipepela.+
Bana babona seli sico sabona habanze balila ka nako ya kusinyiwa kwa mwanaa musizana wa sicaba sahesu.+
כ [Kaph]
11 Jehova ubonisize bunyemi bwahae;Usuluzi buhali bwahae bobutuka.+
Mi utumbuzi mulilo mwa Sione ocisa mitomo yayona.+
ל [Lamed]
12 Malena ba lifasi ni batu kaufela babayahile mwa naha nebasika lumelaKuli mulwanisi ni sila nebaka kena ka minyako ya Jerusalema.+
מ [Mem]
13 Zeo halitahile ki kabakala libi za bapolofita bahae, bufosi bwa baprisita bahae,+Bane basuluzi mali a babalukile bane bali ku yena.+
נ [Nun]
14 Bayambaezi sina libofu+ mwa mikwakwa.
Basilafezi ka mali,+Kuli mane hakuna yakona kuswala liapalo zabona.
ס [Samekh]
15 Batu bahuweleza ku bona, bali: “Hamuzwe! Munani masila! Hamuzwe! Hamuzwe! Musike mwaluswala!”
Kakuli habasana maino mi bayambaela feela.
Batu babulezi mwahalaa macaba, bali: “Habakoni kupila kwanu ni luna.*+
פ [Pe]
16 Pata ya Jehova ibahasanyize;+Haasana kubashemuba.
Batu habana kukuteka baprisita,+ habana kushemuba baana-bahulu.”+
ע [Ayin]
17 Nihaiba ka nako ya cwale meeto aluna akatezi kabakala kubata tuso yesika fumanwa.+
Nelunze lubata tuso kwa sicaba sesisa koni kulupilisa.+
צ [Tsade]
18 Nebanze baluzuma koluya kaufela+ kuli mane lupalezwi kuzamaya mwa mapatelo aluna.
Mafelelezo aluna asutelezi; mazazi aluna afelile kakuli mafelelezo aluna atile.
ק [Qoph]
19 Bane balundongwami nebanani lubilo lolufita lwa limbande za lihalimu.+
Balumatisa mwa malundu; balubandamena mwa lihalaupa.
ר [Resh]
20 Moya olubuyela mwa lingo zaluna,+ yena mutoziwa wa Jehova, uhapilwe mwa mukoti wabona omutuna,+Yena yene lubulezi zahae kuli: “Lukapila mwa muluti wahae mwahalaa macaba.”
ש [Sin]
21 Utabe mi unyakalale, wena mwanaa musizana wa Edomo,+ yapila mwa naha ya Uzi.
Kono ni wena ukafiwa komoki,+ mi ukakolwa ni kubonisa mapunu ahao.+
ת [Taw]
22 Koto ya bufosi bwahao, wena mwanaa musizana wa Sione, ifelile.
Haasana kukuisa mwa buhapiwa hape.+
Kono wena mwanaa musizana wa Edomo uka kufa koto kabakala bufosi bwahao.
Ukapatulula libi zahao.+
Litaluso ze kwatasi
^ Linzwi ka linzwi, “fa litoho za mikwakwa kaufela!”
^ Kamba “bane bali babutokwa sina.”
^ Linzwi ka linzwi, “bali matota.”
^ Linzwi ka linzwi, “Bufosi.”
^ Linzwi ka linzwi, “bunsu.”
^ Kamba “kupila kwanu sina bazwahule.”
