3:1-5

Ki kabakalañi Jesu hanaaswabile hahulu kabakala mubonelo wa babahulu ba bulapeli bwa Sijuda? Kakuli babahulu ba bulapeli bwa Sijuda bao nebaezize mulao wa Sabata kuba oimeza ka kuekeza kwateñi milao yemiñata-ñata yenesa swaneli. Ka mutala, nekufosahalile kubulaya mununu fa lizazi la Sabata. Kufolisa mutu la Sabata nekulumelezwa feela haiba mutu naatuha ashwa. Taba yeo neitalusa kuli nekusika luka kuotolola lisapo kamba kutama lisila fa lisapo lelifunyukile fa lizazi la Sabata. Kacwalo, kwaiponahalela hande kuli babahulu ba bulapeli bao nebasa utweli butuku muuna wa lizoho leliomelezi.