LITABA ZA BUTOKWA ZEZWA MWA LINZWI LA MULIMU | 1 MAKORINTE 14-16
Mulimu Ukaba “Lika Kaufela Kwa Batu Kaufela”
Batu babasepahala ku Jehova baka fumana limbuyoti kwapili. Halutaluseza batu babañwi ka za sepo yaluna ka tabo, sepo yeo yatiya luli. Muapositola Paulusi naasusuelize Bakreste kuli babeye mwa pono zekaezahala kwa mafelelezo a Puso ya Kreste ya Lilimo ze 1,000 ili fo Jehova akaba “lika kaufela kwa batu kaufela.”
Ki limbuyoti mañi za kwapili zemunyolelwa hahulu, mi ki kabakalañi?
Ki nto mañi yemikolwisa kuli lisepiso za Mulimu likatalelezwa?
