Jakobo naamangani ni lingeloi bakeñisa kuli naabata kufuyaulwa ki Jehova ili yona nto ya butokwa hahulu. (Gen. 32:24-31; Hos. 12:3, 4) Luna bo kacenu? Kana lwatabela kubeleka ka taata kuli luutwe Jehova ilikuli alufuyaule? Ka mutala haiba lufiwa kuiketela kufumaneha kwa mikopano kamba kubeleka lihora lisikai hamulaho wa kukotoka kwa misebezi, ki nto mañi yane lukaketa? Haiba luitusisa nako yaluna, maata aluna, ni maluo aluna kwa kusebeleza Jehova, uka lusululela “limbuyoti kufitela kutokwa [selutaelelwa].” (Mala. 3:10) Uka luetelela, kulusileleza, ni kulufa zelutokwa kaufela.—Mat. 6:33; Maheb. 13:5.

MUBUHE VIDIO YELI MUZWELEPILI KUISA PILU KWA LIKONKWANI ZAMINA ZA KWA MOYA, MI KIHONA MUKAALABA LIPUZO ZELATELELA:

• Ki kabakalañi lika zanaatabela kaizeli yo hane likona kumufokolisa kwa moya?

• Musebezi waluna ukona kuba cwañi muliko?

• Ki kabakalañi Timotea hanatokwa kuzwelapili kuitomela likonkwani niha naasahulile kwa moya?—1 Tim. 4:16

• Lukona kubonisa cwañi musebezi oluunga kuba wa butokwa mwa bupilo bwaluna?