Mwa liñolo lahae lanaañolezi Tite, muapositola Paulusi naañozi kuli babanca, kukopanyeleza cwalo ni Tite, nebaswanela kuikataza kuli babe “mutala wa misebezi yeminde mwa linzila kaufela.” (Tite 2:6, 7) Mwa kauhanyo yeswana, muapositola Paulusi naazwezipili kubonisa kuli batu ba Jehova bakenisizwe ilikuli bakone kutukufalelwa “misebezi yeminde.” (Tite 2:14) Omuñwi wa misebezi yeminde yeo, ki kukutaza ni kuluta batu ka za Mubuso wa Mulimu. Haiba musali yomunca, kana mwakona kuitusisa maata amina kuli musebeze sina paina wa kutusa kamba paina wa kamita?—Liprov. 20:29.

Haiba mwatabela kusebeza sina paina, mulukise hande miinelo yamina kuli mukone kuba paina. (Luka 14:28-30) Ka mutala, mukafumananga cwañi masheleñi a kuitusisa hamunze musebeza sina paina? Mukakwanisanga cwañi lihora zetokwahala? Mukupe Jehova kuli amituse. (Samu 37:5) Mutaluseze bashemi bamina ka za mulelo wamina mi mukupe tuso kwa mizwale ni likaizeli babali mapaina. Kihona mukaanga mihato yeka mikonisa kupeta sikonkwani samina. Jehova uka mifuyaula hahulu bakeñisa buikatazo bomueza bwa kumusebeleza!

MUBUHE VIDIO YA BABANCA BAKUTEKEHISA JEHOVA, MI KIHONA MUKAALABA LIPUZO ZELATELELA:

• Ki miinelo mañi yetaata yene batiyezi babañwi kuli baeze bupaina, mi nebakonile cwañi kuitiyela?

• Bashemi bakona kutusa cwañi bana babona kuba mapaina ba kamita?

• Ki kabakalañi hakuli kwa butokwa kuba ni tomahanyo ya kuya mwa simu?

• Mizwale ni likaizeli mwa puteho bakona kususueza cwañi mapaina?

• Ki limbuyoti mañi zebaikola mapaina?