Ki kabakalañi haluswanela kueza silikani ni batu babalata Jehova? Kakuli batu boluswalisana ni bona bakona kulutusa kueza lika zende kamba kulususueza kueza lika ze maswe. (Liprov. 13:20) Ka mutala, Mulena Joasi naaezize “zelukile mwa meeto a Jehova” ka nako kaufela yanaaswalisana ni Jehoyada yena Muprisita Yapahami. (2 Makol. 24:2) Jehoyada hasaa shwile, Joasi atuhela kusebeleza Jehova bakeñisa kuswalisana ni batu babamaswe.—2 Makol. 24:17-19.

Mwa linako za baapositola, muapositola Paulusi naabapanyize puteho ya Sikreste kwa “ndu yetuna” mi batu babafumaneha mwa puteho naababapanyize kwa “lipiza” kamba lisebeliso za mwa ndu. Lwakona kuba “siitusiso sesiezelizwe mulelo okutekeha” halutuhela kuswalisana ni mutu ufi kamba ufi yaeza lika zesatabisi Jehova, ibe kuli ki wa mwa lubasi lwa luna kamba wa mwa puteho. (2 Tim. 2:20, 21) Kacwalo, haike luzwelepili kueza silikani ni batu babalata Jehova ili babakona kulususueza kumusebeleza.

MUBUHE VIDIO YA MUITUTE MWA KUAMBUKELA LIANGO ZEMASWE, KIHONA MUKAALABA LIPUZO ZELATELELA:

• Lukona kuswalisana cwañi ni batu babamaswe ka kusalemuha?

• Ki lika mañi zene tusize Bakreste babalaalu beluboni mwa vidio kutuhela kuswalisana ni batu babamaswe?

• Ki likuka mañi za mwa Bibele zekona kumitusa kuketa hande balikani?