Luswanela kulikanyisa moya wa Isaya wa kuifana. Naabonisize tumelo mi kapili-pili aitatela kutusa, niha naasazibi litaba kaufela zeneamiwa. (Isa. 6:8) Kana mwakona kulukisa miinelo yamina ilikuli mukone kusebeleza kwa sibaka kokutokwahala hahulu bakutazi ba Mubuso? (Samu 110:3) Ki niti kuli, mutokwa “kubala lisinyehelo” kuli mubone haiba mwakona kueza cwalo. (Luka 14:27, 28) Niteñi, mutokwa kueza buitomboli kuli mutuse mwa musebezi wa kukutaza. (Mat. 8:20; Mare. 10:28-30) Sina molubonezi mwa vidio yeli, Kusebeleza Kwa Sibaka Kokutokwahala Hahulu Bakutazi ba Mubuso, limbuyoti zeluka fumana halunze lusebeleza Jehova ki zetuna hahulu kufita buitomboli boluezize.

• Ki buitomboli mañi bwanaaezize yomuñwi ni yomuñwi wa mwa lubasi lwa bo William kuli akone kuyo sebeleza kwa Ecuador?

• Ki lika mañi zene banyakisisize hane baketa sibaka kwa kuyo sebeleza?

• Ki limbuyoti mañi zene bafumani?

• Mukona kufumana kai litaba zeñwi zebulela ka za kusebeleza kwa sibaka kokutokwahala hahulu bakutazi ba Mubuso?

• Lukona kuekeza cwañi kwa bukombwa bwaluna sina lubasi? (km 8/11 4-6)

• Haiba halukoni kuyo sebeleza kwa sibaka kokutokwahala hahulu bakutazi ba Mubuso, ki lika mañi zeluswanela kueza kuli lutuse puteho yaluna? (w16.03 23-25)