LIBAKA KUEZA CWALO HAKULI KWA BUTOKWA: Jehova uhulisanga lipeu za niti mwa lipilu za batu “ba lipilu zende bababata bupilo bobusa feli.” (Lik. 13:48; 1 Makor. 3:7) Luswalisana ni Jehova haluikataza kutusa batu babaamuhela zebaituta. (1 Makor. 9:26) Baituti ba Bibele baswanela kuutwisisa kuli batokwa kukolobezwa kuli bapiliswe. (1 Pit. 3:21) Lubaluta kuba balutiwa ka kubatusa kueza licinceho mwa bupilo bwa bona, kukutaza, kuluta, ni kuineela ku Jehova.—Mat. 28:19, 20.

MWAKUEZEZA CWALO:

• Muhupulise baituti ba Bibele kuli mulelo wa tuto yabona ki kubatusa kuli ‘bazwelepili kuziba’ Jehova ni kumutabisa.—Joa. 17:3

• Mubatuse kueza zwelopili ya kwa moya ka kubatusa kutuhela mikwa yemaswe ni kusaba ni liango zemaswe

• Mubatiise ni kubasusueza pili basika kolobezwa kale ni hasamulaho.—Lik. 14:22

MUBUHISE VIDIO YA JEHOVA MULIMU UKA MITUSA, KIHONA MUKAALABA LIPUZO ZELATELELA:

• Ki lika mañi zetahisanga kuli batu babañwi basabe kuineela ni kukolobezwa?

• Baana-bahulu bakona kutusa cwañi baituti ba Bibele kueza zwelopili ya kwa moya?

• Liñolo la Isaya 41:10 lilulutañi ka za Jehova?

• Ki tulemeno mañi totuka lutusa kuzwelapili kusebeleza Jehova ka nzila yatabela, kusina taba kuli halusika petahala?