Paulusi ni Silasi nebalumbekile Jehova ka lipina inze bali mwa tolongo. (Lik. 16:25) Kusina kukakanya kuopela kwa bona nekubatusize kutiyela muinelo one bali ku ona. Luna bo kacenu? Lipina zeluitusisanga kwa mikopano ni lipina zeñwi zefumaneha fa jw.org, fa JW Broadcasting, ni fa JW Library zakona kulususueza ni kulutusa kuzwelapili kusepahala haluli mwa miinelo yetaata. Lipina zeo hape lilumbekehisa Jehova. (Samu 28:7) Lususuelizwe kuli lupete manzwi a zeñwi za lipina zeo. Kana semulikile kueza cwalo? Lwakona kuitusisa nako ya kulapela sina lubasi kuli luitute lipina zeo ni kupeta manzwi azona.

MUBUHISE VIDIO YELI BANANA MULUMBEKE JEHOVA KA LIPINA, KIHONA MUKAALABA LIPUZO ZELATELELA:

• Kuopela lipina za Mubuso kukona kulutusa cwañi?

• Ba mwa Liluko Lelitalima za Mavidio ni za Mulumo baitukisezanga cwañi kuli balukise lipina?

• Banana ni mabasi mobazwa baitukisezanga cwañi kuli bakone kuyo opela hande mwa situdiyo?

• Ki lifi lipina za Mubuso zemutabela hahulu, mi ki kabakalañi?