LIBAKA KUEZA CWALO HAKULI KWA BUTOKWA: Babatozizwe ni ba lingu zeñwi bamema batu ba mufuta kaufela kunwa “kwa mezi a bupilo afiwa feela.” (Sin. 22:17) Mezi aswanisezo ao, ayemela litukiso kaufela zaezize Jehova kuli batu babaipeya kumuutwa balukululwe kwa sibi ni lifu. Kuli lutuse batu babanani lizo ni litumelo zeshutana-shutana, luswanela kushaela “taba yende yesafeli” ka nzila yekatahisa kuli lufite mañi ni mañi kwa pilu.—Sin. 14:6.

MWAKUEZEZA CWALO:

• Mukete taba ni liñolo lelika fita kwa lipilu za batu ba mwa sibaka semukutalezanga kusona. Mwakona kuketa akalezo ya mwakuambolisanela ni batu kamba taba yeñwi yene muboni kuli yasebeza hane muitusisize yona. Ki litaba lifi ni mañolo afi zebatabela hahulu batu mwa sibaka semukutalezanga kusona? Kana kunani taba yeezahalile kamba yebalilwe mwa makande yebasweli kuambola hahulu batu? Ki litaba mañi zebatabela hahulu basali kamba baana?

• Hamuambola ni batu muitusise milumelisezo ni miezezo yezibahala hahulu mwa sibaka samina.—2 Makor. 6:3, 4

• Mutekelele hande mavidio ni Lihatiso Zeluitusisanga Kwa Kuluta Batu zemukona kuitusisa kuli mukutaze ku mutu yatabela

• Muikungele litaba fa webusaiti yaluna ya jw.org mwa lipuo za batu babafumaneha mwa sibaka semukutalezanga kusona

• Mucince taba yamina kulikana ni lika zebilaeza muñaa ndu. (1 Makor. 9:19-23) Ka mutala, mukona kubulelañi haiba mulemuha kuli muñaa ndu kihona asazo shwelwa ki mutu yomuñwi mwa lubasi?

MUBUHE VIDIO, MI KIHONA MUKAALABA LIPUZO ZELATELELA:

• Ki taba mañi yanaakalile kunyakisisa muhasanyi ni muñaa ndu?

• Ki lika mañi zanaakopana ni zona muñaa ndu mwa bupilo?

• Ki liñolo mañi lanaaswanela kuitusisa muhasanyi mwa muinelo wo, mi ki kabakalañi?

• Mucinca-cincanga cwañi mukutalezo wamina kuli mufite kwa lipilu za batu ba mwa sibaka semukutalezanga kusona?