Kuzwa feela ka silimo sa 2018, mwa magazini ni magazini yaluna ya nyangela kunyakisiswanga feela taba iliñwi. Limagazini ze kaufela ki zeñwi za lihatiso zeluitusisanga kwa kuluta batu. Kacwalo, lwakona kuitusisa zona mwa bukombwa. Hape lwakona kushimba limagazini lisikai haluli mwa musipili kamba haluyo leka lika. Limagazini ze halisika lukisezwa kuitusiswa kwa kuzamaisa lituto za Bibele, kono zakona kutusa batu kuba ni takazo ya kuituta zeñata.

Hase mukalile kuambola ni mutu, mubale ni yena liñolo ni kubulela taba yeñwi ye mwa magazini yakona kutabela mutu yo. Ka mutala, haiba unani lubasi kamba utiyela muinelo otaata, mwakona kubulela kuli: “Nenibalile taba yeñwi yetalusa za muinelo wo. Kana nakona kumibonisa yona?” Haiba mulemuha kuli mutu yo watabela, mwakona kumufa magazini yeo yehatisizwe kamba kumulumela ya kubalela fa kapangaliko nihaiba fa musipili wapili. Nihaike kuli kufa lihatiso haki ona mulelo waluna omutuna, limagazini ze zakona kulutusa kufumana batu babatabela kuitusisa zebaituta.—Lik. 13:48.