Semulibelezi ka nako yekuma kai kuli Mubuso wa Mulimu utahe? Kana muzwezipili kuitiisa ka pilu-telele kusina taba ni miinelo yetaata yemukopana ni yona? (Maro. 8:25) Bakreste babañwi bakopana ni miinelo yetaata yecwale ka kutoiwa, kunyandiswa, kutamiwa, kamba mane nihaiba kubembiwa kuli baka bulaiwa. Babañwi bona bakatazwa ki matuku asafoli kamba busupali.

Ki lika mañi zekona kulutusa kuli luzwelepili kulibelela ka kunyolelwa kusina taba ni miinelo yetaata yelukopana ni yona? Luswanela kuzwelapili kutiisa tumelo yaluna ka kubalanga Bibele zazi ni zazi ni kunahanisisa zelubala. Luswanela kuisa pilu kwa sepo yaluna. (2 Makor. 4:16-18; Maheb. 12:2) Luswanela kulapela ku Jehova ni kumukupa kuli alufe moya wahae okenile. (Luka 11:10, 13; Maheb. 5:7) Ndataa luna yalilato wakona kulutusa “kuitiisa ka kutala ka pilu-telele ni tabo.”—Makolo. 1:11.

MUBUHE VIDIO YA LUSWANELA ‘KUMATA KA BUITIISO’—LUIKOLWISE KULI LUKAFUMANA MUPUZO, KIHONA MUKAALABA LIPUZO ZELATELELA:

• Ki lifi “likezahalo zesika libelelwa” zelukona kukopana ni zona mwa bupilo? (Muek. 9:11)

• Tapelo ikona kulutusa cwañi halukopana ni miinelo yetaata?

• Haiba kuli halusa kona kueza lika zeñwi zene luezanga kwamulaho mwa sebelezo yaluna ku Jehova, ki kabakalañi haluswanela kuisa pilu kwa lika zelusa kona kueza cwale?

• Ki lika mañi zemitusa kuzwelapili kuba ni buikolwiso bwa kuli mukafumana mupuzo?