KUPILA SINA BAKRESTE
Kuekeza Kwa Buikoneli Bwaluna Mwa Bukombwa—Kutuhela Kuzamaisa Lituto za Bibele Zesaezi Zwelopili
LIBAKA KUEZA CWALO HAKULI KWA BUTOKWA: Kuli batu bapiliswe, baswanela kubiza fa libizo la Jehova. (Maro. 10:13, 14) Nihakulicwalo, haki batu kaufela babalumela kuituta Bibele baba bata kupila ka likuka za Jehova. Luitusisanga hande nako yaluna mwa bukombwa ka kutusa batu baba bata kueza licinceho mwa bupilo bwabona kuli batabise Jehova. Haiba muituti wa Bibele haezi zwelopili yeswanela hasamulaho wa kuituta ni yena nako yetelelenyana, neluka eza hande hane lukatuhela kuituta ni yena ni kuisa mamelelo yaluna kwa batu basweli kuhoha Jehova kuli batahe ku yena ni kwa kopano yahae. (Joa. 6:44) Nihakulicwalo, haiba kwapili mutu yo aeza licinceho zebonisa kuli ubata “bupilo bobusa feli,” lukakalisa kuituta ni yena hape.—Lik. 13:48.
MWAKUEZEZA CWALO:
-
Mubabaze muituti yo kabakala kutabela kwa hae kuba ni zibo yenepahezi.—1 Tim. 2:4
-
Mumutuse kulemuha kuli ki kwa butokwa kuitusisa lika zaitutile mwa bupilo bwahae.—Luka 6:46-49
-
Ka musa munyakisise ni yena swanisezo ya Jesu ya mucali, mi mumukupe kuli anahanisise lika zemupalelwisa kueza zwelopili.—Mat. 13:18-23
-
Mumutaluseze ka maseme libaka hamutuhela kuituta ni yena
-
Mumutaluseze kuli ka linako zeñwi muka mupotelanga kuli mumususueze ni kuli muka kalisa hape kuituta ni yena kwapili haiba aeza zwelopili
MUBUHE VIDIO YE, MI KIHONA MUKAALABA LIPUZO ZELATELELA:
-
Ki lika mañi zemulemuhile mwa vidio zebonisa kuli muituti naasaezi zwelopili ya kwa moya?
-
Muhasanyi naatusize cwañi muituti kuutwisisa kuli naatokwa kueza licinceho?
-
Muhasanyi naabonisize cwañi kuli watabela kukalisa kuituta ni muituti yo hape kwapili haiba aeza licinceho?