Lubata kuselaela lipeu za niti zelucala. (1 Makor. 3:6) Halufumana mutu yatabela, nelukaeza hande kubuza puzo yelukato nyakisisa fa musipili otatama. Kueza cwalo kukatusa mutu yatabezi yo kunyolelwa zelukato nyakisisa ni yena, mi kukalubela bunolo kuitukiseza kueza musipili wa makutisezo. Halukutela kuyena, lwakona kumubulelela kuli lutilo alaba puzo yene lubuzize fa musipili wapili.

• Hamuitukiseza kufa bupaki bwa fa ndu ni ndu, hape muitukiseze ni puzo yekato alabiwa fa musipili otatama. Ikana yaba puzo yealabilwe mwa hatiso yemusweli kuabela. Kamba ikana yaba puzo yealabilwe ku yeñwi ya lihatiso zaluna za kuituta zemulela kuitusisa hamukaeza musipili wa makutisezo.

• Hamufeza kubuisana ni mutu yatabela, mumutaluseze kuli mubata kukutela kuyena hape mi mumubuze puzo yene muitukiselize. Muzibe kwapila mi mumukupe nombolo ya luwaile.

• Haiba mumutaluseza kuli mukakutela kuyena hape, mueze ka momusepiselize.—Mat. 5:37.