Ibe kuli lutalimani ni miinelo yetaata kamba lika liluzamaela hande mwa bupilo, ki kwa butokwa kusepa Jehova. (Samu 25:1, 2) Mwa lilimo za ma-700 B.C.E., Majuda bane bapila mwa Juda nebatalimani ni muinelo one ulikile tumelo yabona ku Mulimu. Lwakona kuituta lituto zeñata kwa lika zenee baezahalezi. (Maro. 15:4) Hamulaho wa kubuha vidio yeli “Jehova, . . . Nisepile Wena,” mukona kualaba cwañi lipuzo zelatelela?

1. Ezekiasi naatalimani ni muinelo mañi otaata?

2. Ezekiasi naaitusisize cwañi sikuka sesi kwa Liproverbia 22:3 ka nako yanaalibelela kuambekwa?

3. Ki kabakalañi Ezekiasi hanaasika nahana za kukoza kwa Maasiria kamba kueza tumelelano ni Egepita?

4. Ezekiasi utomezi Bakreste mutala omunde ka mukwa ufi?

5. Ki miinelo mañi yelika tumelo yaluna ku Jehova kacenu?