Mwa Ngambolo yahae ya fa Lilundu, Jesu naabulezi kuli: “Mutuhele kubilaela za bupilo bwamina.” (Mat. 6:25) Nihaike kuli batu babapila mwa lifasi la Satani, ili babasika petahala, babilaelanga ka linako zeñwi, Jesu naaluta balateleli bahae kuli basike babilaelanga hahulu. (Samu 13:2) Libaka? Libaka ki la kuli, kubilaela hahulu, nihaiba ka za lika zelutokwa ka zazi, kwakona kutahisa kuli kulubele taata kuzwelapili kubata pili za Mubuso. (Mat. 6:33) Litaba zeñwi hape zanaabulezi Jesu likalutusa kuli lusike lwabilaelanga hahulu.

• Mat. 6:26—Ki lika mañi zelukona kuituta ka kutalimisisa linyunywani? (w16.07 9-10 ¶11-13)

• Mat. 6:27—Ki kabakalañi kubilaela kokusa swaneli hakukona kulusinyeza feela nako ni maata aluna? (w05 11/1 22 ¶5)

• Mat. 6:28-30—Lukona kuitutañi kwa mayangayanga a mwa naheñi? (w16.07 10-11 ¶15-16)

• Mat. 6:31, 32—Bakreste bashutana cwañi ni batu bamacaba? (w16.07 11 ¶17)

Ki lika mañi zenibata kutuhela kubilaela?