Haiba mu muhasanyi yasika kolobezwa kamba musweli mwaituta Bibele, kana muitomezi sikonkwani sa kukolobezwa? Ki kabakalañi hamutokwa kukolobezwa? Kuineela ni kukolobezwa kutahisa kuli mube ni silikani sesiipitezi ni Jehova. (Samu 91:1) Hape kuka mitusa kupunyuha. (1 Pit. 3:21) Mukona kufita cwañi fa kuineela ni kukolobezwa?

Muikolwise kuli zemuituta ki yona niti. Mueze lipatisiso kuli mufumane likalabo kwa lipuzo zamina. (Maro. 12:2) Mulemuhe licinceho zemutokwa kueza, mi mubone teñi kuli mwaeza licinceho zeo kabakala kuli mubata kutabisa Jehova. (Liprov. 27:11; Maef. 4:23, 24) Mukupange tuso kuyena kamita ka tapelo. Mukolwe kuli Jehova uka mitiisa ni kumitusa ka moya wahae okenile. (1 Pit. 5:10, 11) Buikatazo bomueza buka mitusa. Kusebeleza Jehova ki yona nto ya butokwa hahulu!—Samu 16:11.

MUBUHE VIDIO YELI, NZILA YELIBISA KWA KOLOBEZO, MI KIHONA MUKA ALABA LIPUZO ZELATELELA:

• Ki butata mañi bobatiyezi babañwi kuli bakolobezwe?

• Mukona kuba cwañi ni tumelo yeka mikonisa kuineela ku Jehova?

• Ki lika mañi zesusuelize batu babañwi kuli baeze lika zebakonisize kukolobezwa?

• Ki limbuyoti mañi zebakaikola batu babaketa kusebeleza Jehova?

• Buineelo ni kolobezo litalusañi?