Sina feela mwanaaonga-ongezi Maisilaele, Jehova uonga-ongile batu bahae kacenu kuli baeze tato yahae. Mwa lifasi kaufela, liofisi za mutai, mipotoloho, liputeho, ni likwata za sebelezo ya mwa simu, kaufelaa zona lisebelisana hamoho kuzwisezapili musebezi wa kukutaza. Lukutazanga kwa batu kaufela, kukopanyeleza cwalo ni batu bababulela puo isili.—Sin. 14:6, 7.

Kana mwanahananga za kuituta puo yeñwi kuli mutuse mutu yomuñwi kuituta niti? Nihaike kuli hamuna nako yeñata kuli muitute puo yeñwi, mwakona kuitusisa progilamu ya JW Language kuli muitute mutahisezo obunolo. Mi hamulaho wa kuitusisa ona mwa bukombwa, mukaikutwa sina mone baikutwezi mizwale baluna bwa mwa linako za baapositola. Mizwale ba nebatabile hahulu batu ba mwa libaka zeñwi hane bakomokile hahulu habautwa “zetuna za Mulimu” mwa lipuo zabona.—Lik. 2:7-11.

MUBUHE VIDIO YELI MUBE MULIKANAA JEHOVA—MUKUTAZE MWA PUO ISILI, MI KIHONA MUKA ALABA LIPUZO ZELATELELA:

• Ki lili fomukona kuitusiseza progilamu ya JW Language?

• Ki lifi zeñwi za lika zefumaneha fa progilamu ye?

• Ki lipuo mañi zebabulela batu mwa kalulo ya mina ya simu?

• Ki lika mañi zemuswanela kueza haiba mutu yomuñwi yabulela puo isili abonisa kutabela lushango lwa Mubuso?—od 100-101 ¶39-41