Ki miinelo mañi yemukopana ni yona ka zazi? Kana mu toho ya lubasi mi munani buikalabelo bobuñata? Kana mu mushemi wa likwasha mi muikataza kufumanela lubasi lwamina zelutokwa? Kana mu babanca mi mwakataziwanga ki litaka zamina kwa sikolo? Kana mukatazwa ki makulano kamba busupali? Mañi ni mañi ukopana ni muinelo omuñwi. Mi Bakreste babañata bakopana ni miinelo yetaata yemiñata ka nako yeswana. Nihakulicwalo, lwaziba kuli Jehova atuha alulukulula kwa miinelo yetaata yeo.—2 Makor. 4:16-18.

Kono ka nako yacwale, lwaomba-ombiwa haluziba kuli Jehova wautwisisa miinelo yetaata yelukopana ni yona, ni kuli waitebuha busepahali ni buitiiso bolubonisa mi uka lufa limbuyoti zalusepisize. (Jer. 29:11, 12) Jesu ni yena waiyakatwa luna. Halunze lupeta buikalabelo bwaluna bwa Sikreste lukolwa sepiso yahae yeli: “Niinzi ni mina.” (Mat. 28:20) Halufumana nako ya kunahanisisa tukuluho yelukaba ni yona mwa Mubuso wa Mulimu, sepo yaluna ikatiya mi lukazwelapili kutiyela miinelo yetaata yelukopana ni yona cwale.—Maro. 8:19-21.

MUBUHE VIDIO YELI, LIÑUNGWA HALINZE LIATUMELA, MUZWELEPILI KUTALIMELA KU JESU!—LIMBUYOTI ZEKA TAHISWA KI MUBUSO WA MULIMU KWAPILI, MI KIHONA MUKA ALABA LIPUZO ZELATELELA:

• Batu nebaikauhanyize cwañi ku Mulimu, mi ki lika mañi zezwile mwateñi?

• Ki limbuyoti mañi zebaka ikola kwapili batu babasepahala ku Jehova?

• Limbuyoti zeo likonahala cwañi?

• Ki limbuyoti mañi zelusepisizwe zemunyolelwa kuikola mwa lifasi lelinca?