Silimo ni silimo, batu ba Jehova banyolelwanga hahulu kuyofumaneha kwa Kupuzo ni mizwale babona. Mwa lisunda za kuatumela fa lizazi la Kupuzo ni hamulaho wa yona, luezanga molukonela kaufela kufumana linzila za molukona kulumbekela Jehova ni kuitumela ku yena kwa mpo ya tiululo. (Maef. 1:3, 7) Ka mutala, luezanga molukonela kaufela kuabana mwa musebezi wa kumemela batu kwa Kupuzo. Babañwi banyakisisanga miinelo yabona ili kuli bakone kueza bupaina bwa kutusa bwa lihora ze 30 kamba ze 50 mwa kweli ya March kamba April. Kana mwatabela kuekeza kwa nako yemuka tanda mwa bukombwa ka nako ya Kupuzo? Ki lika mañi zekona kumitusa kueza cwalo?

Hañata, lukona kupeta zeñata haiba lulelela cimo zeluka eza kusanani nako. (Liprov. 21:5) Ye ki yona nako yende ya kulelela cimo zeluka eza bakeñisa kuli onafa lukatuha lukena mwa likweli za Kupuzo. Munyakisise momukona kuezeza zeñata mwa likweli za Kupuzo, mi mulemuhe zemutokwa kueza kuli mupete likonkwani zamina. Kihona mukakupa Jehova kuli afuyaule buikatazo bwamina.—1 Joa. 5:14, 15.

Kana kunani linzila zemuhupula zekona kumitusa kuekeza kwa nako yemuka tanda mwa bukombwa mwa likweli za Kupuzo?