Bibele yakona kucinca bupilo bwaluna. (Maheb. 4:12) Nihakulicwalo, kuli lutusiwe ki ketelelo ni kelezo zefumaneha mwateñi, luswanela kuba ni buikolwiso bwa kuli ka niti luli Bibele ki “linzwi la Mulimu.” (1 Mates. 2:13) Lukona kutiisa cwañi tumelo yaluna mwa Bibele?

Mubalange taba yeñwi ya mwa Bibele zazi ni zazi. Hamunze mubala, mubatange bupaki bobubonisa kuli Jehova ki yena musimululi wa Bibele. Ka mutala, munyakisise kelezo yefumaneha mwa buka ya Liproverbia mi mubone mo litaba zeo likona kumituseza mwa bupilo bwamina kacenu.—Liprov. 13:20; 14:30.

Muitutange litaba zeñwi. Muzibe hande bupaki bobubonisa kuli Bibele iñozwi ka kususumezwa ki moya wa Mulimu. Mwa buka ya lipatisiso ya lipaki za Jehova, mubone mwatasaa taba yeli “Bibele” mi muye fokuñozwi kuli “Iñozwi ka Kususumezwa ki Moya wa Mulimu.” Hape mwakona kutiisa tumelo yamina ya kuli lushango lwa mwa Bibele halusika cinca, ka kunyakisisa litaba zefumaneha fa kalulo yeli Litaba Zeekelizwe A3 mwa Bibele ya Toloko ya Lifasi Lelinca.

MUBUHE VIDIO YELI, LIBAKA HALULUMELA . . . LINZWI LA MULIMU, MI KIHONA MUKAALABA LIPUZO ZELATELELA:

• Limota la Tempele leli fumanwi kwa Karnak mwa Egepita, libonisa cwañi kuli Bibele ki ya niti?

  Your answer

• Luziba cwañi kuli lushango lwa mwa Bibele halusika cinca?

  Your answer

• Kuba teñi kwa Bibele kuto fita ni kacenu le, kumikolwisa cwañi kuli Bibele ki Linzwi la Mulimu? —Mubale Isaya 40:8

  Your answer