Mwa mazazi a mafelelezo aa, lusweli kutalimana ni miinelo yetaata yemiñata. Ka linako zeñwi, lwakona kuikutwa kuli miinelo yelukopana ni yona itaata hahulu kuli mane halukoni kuitiyela. Nihakulicwalo, haiba luzwelapili kuba bukaufi ni Jehova, uka lutusa kutiyela nihaiba miinelo yetaata hahulu. (Isa. 43:2, 4) Lukona kusutelela cwañi ku Jehova halutalimana ni miinelo yetaata?

Tapelo. Haiba lutaluseza Jehova ze mwa lipilu zaluna, uka lufa kozo ya mwa munahano ni maata a kuitiisa.—Mafil. 4:6, 7; 1 Mates. 5:17.

Mikopano. Ye ki yona nako yelutokwa hahulu lico za kwa moya zalufanga Jehova ni swalisano yelubanga ni yona kwa mikopano yaluna. (Maheb. 10:24, 25) Haluitukiseza, kufumaneha, ni kuabana kwa mikopano yaluna ya puteho, lukaikola tuso yafa Jehova ka moya wahae.—Sin. 2:29.

Bukombwa. Haiba lueza ka molukonela kaufela kufumanehanga mwa bukombwa, kuka lubela hahulu bunolo kuisa pilu kwa lika zende. Hape lukatiisa silikani saluna ni mizwale ni likaizeli baluna hamoho cwalo ni silikani saluna ni Jehova.—1 Makor. 3:5-10.

MUBUHE VIDIO YELI, JEHOVA UKABA NI MINA, MI KIHONA MUKAALABA LIPUZO ZELATELELA:

• Ki lika mañi zeneetusize bo Malu kuzwelapili kuba bukaufi ni Jehova mwa miinelo yetaata yene bakopani ni yona?

  Your answer

• Ka kuswana ni bo Malu, manzwi a kwa Samu 34:18 akona kuluomba-omba cwañi halukopana ni miinelo yetaata?

  Your answer

• Zene bakopani ni zona bo Malu libonisa cwañi kuli Jehova walufanga “maata afita a butu” halukopana ni miinelo yetaata?—2 Makor. 4:7

  Your answer