January 15-21
JOBO 36-37
Pina 147 ni Tapelo | Manzwi A Makalelo (1 muz.)
1. Libaka Hamukona Kusepa Sepiso ya Mulimu ya Bupilo Bobusa Feli
(10 miz.)
Jehova upila kuya kuile (Jobo 36:26; w15 10/1 13 ¶1-2)
Jehova unani butali ni maata zetahisa kuli lika zepila lizwelepili kupila (Jobo 36:27, 28; w20.05 22 ¶6)
Jehova ululuta molukona kufumanela bupilo bobusa feli (Jobo 36:4, 22; Joa. 17:3)
Kuba ni tumelo yetiile mwa sepiso ya Mulimu ya bupilo bobusa feli kulutusa kutiyela miinelo yetaata yelukopana ni yona mwa bupilo. —Maheb. 6:19; w22.10 28 ¶16.
2. Kubatisisa Litaba za Butokwa za Kwa Moya
(10 miz.)
-
Jobo 37:20—Batu nebazibanga cwañi litaba ka za lika zeneezahalanga mwa libaka zeñwi mwa linako za kwamulaho? (it-1 492)
-
Ki litaba lifi za butokwa zemuitutile mwakubala Bibele kwa sunda ye?
3. Kubala Bibele
(4 miz.) Jobo 36:1-21 (th tuto 2)
4. Kukalisa Puisano
(3 miz.) KUKUTAZA FA NYANGELA. (lmd tuto 3 sisupo 3)
5. Kukutela Kuambola ni Batu
(4 miz.) FA NDU NI NDU. (lmd tuto 2 sisupo 5)
6. Kutalusa Zemulumela
(5 miz.) Ngambolo. ijwfq 57 ¶5-15—Toho ya Taba: Ki Kabakalañi Lipaki za Jehova Hane Banyandisizwe ka Nako ya Pulao Yemaswe ya ba Nazi? (th tuto 18)
Pina 49
7. Muitukiseze Miinelo Yekatokwa Kuli Muswaliwe Mwa Sipatela Kamba Kupazulwa
(15 miz.) Puisano. Ifiwe ki muuna-muhulu.
Kopano ya Jehova ilukisize lika zekona kulutusa kumamela mulao wa Mulimu obulela ka za mali. (Lik. 15:28, 29) Kana mwaitusisanga zona?
Kadi ya DPA ni Kadi ya Mwana (ic): Makadi a abonisa katulo ya mukuli kuamana ni likalafo zeama kuitusisa mali. Bahasanyi babakolobelizwe bakona kuikungela kadi ya DPA ku sikombwa sa lihatiso ni kuungela bana babona babanyinyani kadi yebizwa Kadi ya Mwana. Luswanela kushimbanga makadi a koluya kaufela. Haiba mutokwa kutaleleza kadi ye kamba kucinca litaba zeñwi fateñi, mueze cwalo kapili.
Fomu ya Litaba Zeama Basali Babaitwezi (S-401) ni Fomu ya Litaba Zetusa Bakuli Babatokwa Kupazulwa Kamba Kufiwa Likalafo za Kansa (S-407): Mafomu a akona kumitusa kuitukiseza miinelo ya ka sipundumukela yeama likalafo zeama mali. Mukupe baana-bahulu fomu yeswanela haiba muitwezi kamba haiba mutokwa kupazulwa kamba likalafo za kansa.
Katengo Kakaswalisanisa Lipaki ni ba Sipatela (HLC): Mizwale babasebeza mwa katengo ka HLC ki baana-bahulu babalutilwe kuli batuse baalafi ni bahasanyi kuziba litaba za bulapeli bwaluna zeama mali. Bakona kunyakisisa ni baalafi bamina ka za mialafelo yemiñwi yesatokwi kupompelwa mali. Haiba kwatokwahala, bakona kumitusa kufumana mualafi yakaitatela kumialafa kusina kupompelwa mali. Mwakona kubalizeza nako ifi kamba ifi kamba lizazi lifi kamba lifi mwa sunda. Mulizeze ba katengo ka HLC kapili haiba mu mwa muinelo okatokwa kuli muswaliwe mwa sipatela, kupazulwa, kamba kufiwa likalafo zeñwi—inge cwalo likalafo za kansa—niha muikutwa kuli mwendi hamuna kualafiwa ka kuitusisa mali. Taba ye hape iama ni kwa basali babaitwezi. Haiba mutokwa tuso, mukupe nombolo ya ba katengo ka HLC ku muuna-muhulu wa mwa puteho yamina.
Mubuhise VIDIO yeli, Tutengo Totuswalisanisa Lipaki ni ba Sipatela—Tutusanga cwañi? Kihona mukabuza baputehi kuli:
Katengo ka ba HLC kakona kumitusa cwañi haiba mukopana ni muinelo okatokwa kuli muswaliwe mwa sipatela kamba kupazulwa?
8. Tuto ya Bibele ya Puteho
(30 miz.) bt kauha. 4 ¶9-12, mbokisi yefa like. 34
