9:62

Kuli mutu yakekela aeze mifolo yenamile hande, haswaneli kuyembululwa ki lika zasiile kwamulaho. Ka nzila yeswana, Mukreste haswaneli kuyembululwa ki lika za lifasi zasiile kwamulaho.—Mafil. 3:13.

Halukopana ni miinelo yetaata, kukona kulubela bunolo kukala kuikumbuta ‘linako zende zene lubanga ni zona kwamulaho,’ mwendi pili inze lusika kala kale kulapela Jehova. Taba yeo ikona kutahisa kuli lube ni mubonelo wa kuli kwamulaho neluikolanga hahulu bupilo mi nelusa kopanangi hahulu ni miinelo yetaata. Kona zene baezize Maisilaele hane bazwile mwa naha ya Egepita. (Num. 11:5, 6) Haiba lunahana hahulu za kwamulaho, lukona kukena mwa muliko wa kukala kupila bupilo bone lupilanga kale. Lutokwa kunahananga hahulu limbuyoti zeluikola cwale ni kuisa pilu kwa lika zende zelukato ikola Mubuso wa Mulimu hauka kalisa kubusa lifasi.—2 Makor. 4:16-18.