MUIKATAZE KUPETA HANDE BUKOMBWA | MUEKEZE KWA TABO YAMINA MWA BUKOMBWA
Muiyakatwe Babañwi
Kuiyakatwa babañwi kutalusa kuutwisisa mobanahanela, mobaikutwela, mobaangela lika, ni kuziba lika zebatokwa. Luiyakatwa babañwi bakeñisa kuli lubata kubatusa, mi batu bakona kulemuha ka bunolo kuli lwaiyakatwa bona. Haluiyakatwa babañwi mwa bukombwa, lulikanyisa lilato la Jehova, mi luka batusa kumuziba.—Mafil. 2:4.
Kuiyakatwa babañwi haki mukwa feela olutusa kwa kuluta batu; lubonisa cwalo ka moluteeleleza ni molubulelela, hamoho cwalo ni moluezeza lika ni molubonahalela fa sifateho. Lubonisa kuli lwaiyakatwa batu ka kubaisa pilu luli. Lwalemuhanga zebatabela batu, zebalumela, ni miinelo yebakopana ni yona. Lubafanga litaba zekona kubatusa, kono halu bahapelezangi kucinca. Haiba batu bolukutaza ku bona balulumeleza kubatusa, lukaekeza kwa tabo yaluna mwa bukombwa.
MUBUHE VIDIO YELI MUBE NI TABO MWA MUSEBEZI WA KUTUSA BATU KUBA BALUTIWA KA KUEKEZA KWA BUIKONELI BWAMINA MWA BUKOMBWA—MUIYAKATWE BABAÑWI, MI KIHONA MUKAALABA LIPUZO ZELATELELA:
-
Bo Neeta nebabonisize cwañi kuli baiyakatwa bo Tabo bane baliyehile?
-
Bo Neeta nebabonisize cwañi kuli baiyakatwa bo Tabo hane babulezi kuli bakatezi mi habakoni kuituta?
-
Batu batabelanga kuituta za Jehova halubonisa kuli lwaiyakatwa bona
Bo Neeta nebabonisize cwañi kuli baiyakatwa bo Tabo hane babulezi kuli bapalelwa kulukisa hande lika mwa ndu?
