Mwa Bibele kunani mitala yemiñata ya litapelo zanaa alabile Jehova. Batanga ba Mulimu hane baiponezi mo Jehova naautwezi litapelo zabona ni kubatusa, kusina kukakanya, tumelo yabona neitiile. Ka mukwa ocwalo, halulapela luswanela kutalusezanga Jehova lika zelukupa luli ni kulemuha mwaalabela litapelo zaluna. Mulemuhe kuli ukona kulualaba ka nzila yelusika libelela kamba kulufa lika zeñata kufita zelukupile. (2 Makor. 12:7-9; Maef. 3:20) Ki lika mañi zakona kulufa Jehova haalaba litapelo zaluna?

• Maata a kwa mubili, kuwa pilu, kamba tumelo kuli lutiyele muinelo otaata olukopana ni ona.—Mafil. 4:13

• Butali kuli lueze katulo yende.—Jak. 1:5

• Takazo ni maata a kuunga muhato.—Mafil. 2:13.

• Kuwa pilu halunani lipilaelo.—Mafil. 4:6, 7

• Batu babakona kulufa lika zelutokwa kwa mubili kamba kuluomba-omba.—1 Joa. 3:17, 18

• Kutusa batu belulapelela.—Lik. 12:5, 11

MUBUHE VIDIO YELI, JEHOVA ‘WAUTWANGA LITAPELO,’ MI KIHONA MUKAALABA LIPUZO ZELATELELA:

• Zanaaipumani ku zona muzwale Shimizu likona kulususeza cwañi haiba halukoni kueza lika kaufela zelubata kueza bakeñisa makulano?

• Lukona kulikanyisa cwañi mutala wa muzwale Shimizu?