Kuli muzwe kwa sibaka semutwaezi hahulu ni kututela kwa sibaka sisili kuli muyoekeza kwa bukombwa bwamina, mutokwa kuba ni tumelo. (Maheb. 11:8-10) Haiba mulela ka za kututela kwa sibaka kokutokwahala hahulu bakutazi, muambole ni baana-bahulu ba mwa puteho yamina. Ki mihato mañi yemukona kuunga kuli mukone kunyakisisa lisinyehelo zekatokwahala ni kuketa sibaka? Munyakisise zebulezwi mwa lihatiso zaluna ka za kututela kokutokwahala hahulu bakutazi. Muambole ni babatutezi kwa puteho yeñwi kuyo tusa. (Liprov. 15:22) Mukupe Jehova ka tapelo kuli amietelele. (Jak. 1:5) Muzibe zeñata ka za sibaka semulela kututela kusona, mi haiba kukonahala, muyopota kwa sibaka seo ka mazazinyana pili musika lela kale za kututa.

MUBUHE VIDIO YELI KA TUMELO, MUKENE MWA MUNYAKO WA MUSEBEZI OMUKWALULEZWI—KUTUTELA KOKUTOKWAHALA HAHULU BAKUTAZI , MI KIHONA MUKAALABA LIPUZO ZELATELELA:

• Ki miinelo mañi yetaata yene batiyezi bo Gabriel, mi nebatusizwe ki lika mañi?