Mizwale babelekanga ka taata kulukisa liakalezo za mwakuambolisanela ni batu, mi bahasanyi babañata balemuhile kuli zasebeza hande mwa libaka ze bakutalezanga ku zona. Nihakulicwalo, bakeñisa kuli miinelo yashutana mwa lifasi kaufela, bahasanyi balukuluhile kuitusisa mutahisezo usili mwa bukombwa kamba kunyakisisa taba isili ili yekatabelwa ki batu ba mwa silalanda sabona. Kono bahasanyi baswanela kulatelela litaelo kaufela zefilwe ka za musebezi oipitezi wa kukutaza. Mulelo waluna ki kupeta musebezi wanaalufile Jesu wa kukutaza taba yende ya Mubuso.—Mat. 24:14.

Bahasanyi habafa lingambolo za baituti, baswanela kunyakisisa taba ye mwa liakalezo za mwakuambolisanela ni batu, yefumaneha mwa Buka ya Mukopano wa Bupilo ni Bukombwa. Nihakulicwalo, balukuluhile kuketa puzo isili, liñolo, musipili otatama, kamba muezezo ili zekona kutabelwa ki batu ba mwa kalulo yabona ya simu, konji haiba kubonisizwe. Taba ye icinca taelo yene ibonisizwe fa likepe 8 la buka ya mukopano ya June 2020.