Jehova ubata kuli mwa mabasi kube ni tabo. (Samu 127:3-5; Muek. 9:9; 11:9) Nihakulicwalo, lwakona kufelelwa ki tabo kabakala lipilaelo zetiswa ki miinelo yemaswe ya mwa lifasi le ni mafosisa ebakona kueza ba mwa lubasi lwaluna. Ki lika mañi zakona kueza mañi ni mañi wa mwa lubasi kuli kube ni tabo mwa lubasi?

Muuna uswanela kufa musalaa hae likute. (1 Pit. 3:7) Uswanela kutandanga nako ni yena. Haaswaneli kulibelela kuli musalaa hae ukaeza lika zasakoni mi uswanela kubonisanga buitumelo kwa lika zaezanga musalaa hae kwa lubasi lwabona. (Makolo. 3:15) Uswanela kumubonisa lilato ni kumulumba.—Liprov. 31:28, 31.

Musali uswanela kubata linzila zakona kutusa ka zona muunaa hae. (Liprov. 31:12) Uswanela kuipeya kwatasaa muunaa hae ni kuswalisana ni yena. (Makolo. 3:18) Uswanela kubulelanga ni yena ka lilato ni kubulela hande ka za hae kwa batu.—Liprov. 31:26.

Bashemi baswanela kutandanga nako ni bana babona. (Deut. 6:6, 7) Baswanela kubulelelanga bana babona kuli babalata. (Mat. 3:17) Habakalimela bana babona baswanela kubonisanga lilato ni temuho.—Maef. 6:4.

Bana baswanela kukuteka ni kuutwa bashemi babona. (Liprov. 23:22) Baswanela kutalusezanga bashemi babona zebanahana ni mobaikutwela. Baswanela kuamuhelanga kalimelo yezwa kwa bashemi babona ni kubafa likute.—Liprov. 19:20.

MUBUHE VIDIO YELI, MUEZE LIKA ZETAHISA TABO MWA LUBASI LWAMINA, MI KIHONA MUKABUZA PUZO YELATELELA:

Ki lika mañi zanaaezize mañi ni mañi wa mwa lubasi kuli kube ni tabo mwa lubasi?