Mwa kweli ya September, lukaeza molukonela kaufela kuzibahaza Mubuso wa Mulimu kuli ki ona feela okatatulula miinelo yetaata yebakopana ni yona batu. (Mat. 24:14) Mukona kutusa cwañi mwa musebezi wo? Mubale liñolo la mwa Bibele lelibulela za mubuso wa Mulimu kwa batu babañata mwa kweli yeo. Haiba mutu yemuambola ni yena abonisa kutabela, mumufe magazini ya Tawala ya Mulibeleli ya nyangela ya No. 2 2020. Mukutele ka bubebe kwa batu bababonisize kutabela, mi mukalise tuto ya Bibele ka kuitusisa broshuwa ya Muikole Bupilo Kuya Kuile! Babaka eza bupaina bwa kutusa mwa kweli ya September, bakona kuketa kubiha lihora ze 15 kamba ze 30.

Honacwale-cwale fa Mubuso wa Mulimu ukayundisa mibuso kaufela yelwanisa Mubuso wo. (Dan. 2:44; 1 Makor. 15:24, 25) Haike luitusise kolo yeipitezi ye kuli lubonise kuli lwayemela Jehova ni Mubuso wahae!