Baokameli ba mupotoloho ni basali babona babonisanga lilato lelituna kwa batu bobapotelanga. Ka kuswana ni luna, ni bona batokwanga lika za kwa mubili mi ka linako zeñwi bakatalanga, bazwafanga, ni kuba ni lipilaelo. (Jak. 5:17) Kusina taba ni zeo, sunda ni sunda baisanga hahulu pilu kwa kususueza mizwale ni likaizeli ba mwa puteho yebapotela. Kaniti luli baokameli ba mupotoloho “balukela kufiwa likute lelituna.”—1 Tim. 5:17.

Muapositola Paulusi hanaa lela za kuya kwa Roma kuli ayo fa “mpo ya moya” kwa puteho ya mwateñi, naanyolezwi hahulu ‘kuyo susuezana ni bona.’ (Maro. 1:11, 12) Kana mwanahananga momukona kususueleza muokameli wamina wa mupotoloho ni musalaa hae, haiba unyezi?

MUBUHE VIDIO YELI, BUPILO BWA MUOKAMELI WA MUPOTOLOHO MWA LIBAKA ZA MATAKANYANI, MI KIHONA MUKAALABA LIPUZO ZELATELELA:

• Baokameli ba mupotoloho ni basali babona babonisanga cwañi lilato lelituna kwa mizwale ni likaizeli ba mwa liputeho zebapotelanga?

  Your answer

• Mutusizwe cwañi ki buikatazo bobaezanga?

  Your answer

• Lukona kubasusueza cwañi?

  Your answer