Bashemi babasaba Jehova batabela hahulu kubona bana babona inze basebeleza Jehova ka kusepahala. Bashemi bakona kutusa bana babona kusebeleza Jehova ka kukalisa kubaluta lituto za mwa Bibele inze basali babanyinyani. (Deut. 6:7; Liprov. 22:6) Kana kueza cwalo kutokwa kuikataza luli? Eni! Nihakulicwalo, buikatazo bo bukatahisa zende.—3 Joa. 4.

Bashemi bakona kuituta lituto zeñata ku Josefa ni Maria. Josefa ni Maria “nebayanga kwa Jerusalema kwa mukiti wa Paseka silimo ni silimo,” nihaike kuli kueza cwalo nekutokwa kuli baikataze ni kusinyehelwa ki masheleñi amañata. (Luka 2:41) Josefa ni Maria nebatabela hahulu kuli lubasi lwabona lube ni silikani sesitiile ni Mulimu. Ka nzila yeswana, bashemi kacenu bakona kuetelela bana bona ka kueza mobakonela kaufela kubatomela mutala omunde ka manzwi ni ka likezo.—Samu 127:3-5.

MUBUHE VIDIO YELI NEBAEZIZE MONE BAKONELA KAUFELA, KIHONA MUKAALABA LIPUZO ZELATELELA:

• Bo Jon Schiller ni bakubona bo Sharon nebabeile cwañi za Mubuso mwa sibaka sapili inze bahulisa bana babona?

• Ki kabakalañi bashemi habaswanela kuluta, kuetelela, ni kueleza bana babona kulikana ni butokwi bwa yomuñwi ni yomuñwi wa bana babona?

• Bashemi bakona kutusa cwañi bana babona kuitukiseza kutiyela lika zekona kulika tumelo yabona?

• Ki liitusiso mañi ze mwa kopano ya Jehova zemuitusisize kwa kutusa bana bamina kutiisa silikani sabona ni Mulimu?