LIBAKA KUEZA CWALO HAKULI KWA BUTOKWA: Sina liitusiso zeñwi kaufela, mawebusaiti a fa Intaneti ni ona aakona kulutusa kamba kulutahiseza butata. Bakreste babañwi baikatulezi kusaitusisa mawebusaiti a fa intaneti. Bakreste babañwi bona baitusisanga mawebusaiti a fa Intaneti kuli baambolisane ni mabasi abona hamohocwalo ni balikani babona. Nihakulicwalo, Diabulosi ubata kuli luitusise mawebusaiti a fa Intaneti ka nzila yemaswe ili nto yekona kusinya libubo laluna ni silikani saluna ni Jehova. Ka kulikanyisa Jesu, lwakona kuitusisa likuka za mwa Linzwi la Mulimu kuli lulemuhe miinelo yekona kulutahiseza butata ni kuiambuka.—Luka 4:4, 8, 12.

ZELUSWANELA KUAMBUKA:

• Kuitusisa hahulu Intaneti. Kutanda nako yeñata inze luitusisa mawebusaiti a fa Intaneti kukona kulutahiseza kuli lupalelwe kufumana nako ya kutiisa silikani saluna ni Jehova

  Likuka za mwa Bibele: Maef. 5:15, 16; Mafil. 1:10

• Kubuha lika zesaswaneli. Kubuha maswaniso azusulusa takazo ya somano kukona kutahisa kuli mutu abe ni mukwa wa kubuhanga maswaniso a mapunu kamba kueza buhule. Kubala litaba za bakwenuheli kamba kulibuha kwakona kufokolisa tumelo ya mutu

  Likuka za mwa Bibele: Mat. 5:28; Mafil. 4:8

• Kubeya litaba kamba maswaniso amina asaswaneli fa Intaneti. Bakeñisa kuli pilu yapuma, mutu wakona kubeya litaba kamba maswaniso asaswaneli fa intaneti. Kueza cwalo kukona kutahisa kuli libizo la mutu lisinyehe kamba kutahisa kuli tumelo yahae ifokole

  Likuka za mwa Bibele: Maro. 14:13; Maef. 4:29

MUBUHE VIDIO YA MUITUSISE HANDE MAWEBUSAITI A KULUMELANA KA ONA LITABA, KIHONA MUKANYAKISISA MOMUKONA KUAMBUKELA MIINELO YELATELELA: