Jesu naalutomezi mutala oluswanela kulikanyisa, sihulu halukopana ni matata kamba halunyandiswa. (1 Pit. 2:21-23) Jesu niha naatapaulwa ni kunyandiswa, naasika kutisa misuha. (Mare. 15:29-32) Ki lika mañi zene mutusize kuitiisa? Naaikatulezi kueza tato ya Jehova. (Joa. 6:38) Hape Jesu naaisize pilu kwa “tabo yenebeilwe fapilaa hae.”—Maheb. 12:2.

Luezanga cwañi halunyandiswa kabakala tumelo yaluna? Bakreste ba niti ‘habakutisezangi mutu bumaswe.’ (Maro. 12:14, 17) Halulikanyisa mwanaaitiiselize Kreste hanaanyandiswa, lwakona kuba ni tabo kakuli lwaziba kuli lutabisa Mulimu.—Mat. 5:10-12; 1 Pit. 4:12-14.

MUBUHE VIDIO YELI LIBIZO LA JEHOVA KI LONA LA BUTOKWA HAHULU, MI KIHONA MUKAALABA LIPUZO ZELATELELA:

• Kaizeli Pötzinger * naaitusisize cwañi hande nako yahae hanaali anosi mwa tolongo?

• Ki manyando mañi ene batiyezi bo Pötzinger ni bakubona hane bali mwa minganda ya tukufazo yeshutana-shutana?

• Ki lika mañi zene batusize kuitiisa?