Ki kabakalañi haluswanela kuketa hande lika zeluitabisa ka zona? Libaka kikuli haluketa kuitabisa ka kubuha filimu, kuteeleza pina, kukena fa webusaiti, kubala buka, kamba kubapala papali ya fa kompyuta, luketa lika zeluka beya mwa munahano waluna. Lika zeluketa kuitabisa ka zona liama mikwa yaluna. Ka bumai, buñata bwa lika za kuitabisa ka zona zeliteñi kacenu likopanyeleza lika zatoile Jehova. (Samu 11:5; Magal. 5:19-21) Ka lona libaka leo, Bibele ilususueza kuli luzwelepili kunahanisisa lika zekutekehisa Jehova.—Mafil. 4:8.

MUBUHE VIDIO YELI KI LIKA MAÑI ZENISWANELA KUITABISA KAZONA? KIHONA MUKAALABA LIPUZO ZELATELELA:

• Lipapali za mifilifili zene baitabisanga ka zona Maroma ba kwamulaho, liswana cwañi ni lika zeñwi zebaitabisanga ka zona batu kacenu?

• Mizwale ni likaizeli mwa puteho bakona kutusa cwañi babanca kuketa hande za kuitabisa ka zona?

• Liñolo la Maroma 12:9 likona kulutusa cwañi haluketa lika za kuitabisa ka zona?

• Ki lika mañi zende zebaitabisanga ka zona batu mwa sibaka samina?