Kwa makalelo, Mushe naanahana kuli hakoni kueza musebezi wanaa mufile Jehova. (Exo. 4:10, 13) Kana ni mina mukile mwaikutwa cwalo? Kana muituta Bibele ni Lipaki za Jehova? Kana muikutwanga kuli hamukoni kukutaza fa ndu ni ndu? Kamba mu babanca mi mwasabanga kukutaza hamuli kwa sikolo. Kamba mwendi mwasabanga kukutaza ka kuitusisa luwaile kamba kuitusisa mukutalezo omuñwi wa fa nyangela. Mukupe Jehova kuli amitiise ka kumifa moya okenile. (1 Pit. 4:11) Mukolwe kuli uka mitusa kupeta musebezi kaufela wamifa.—Exo. 4:11, 12.

MUBUHE VIDIO YELI MUBE NI BUNDUME . . . BAHASANYI, MI KIHONA MUKAALABA LIPUZO ZELATELELA:

• Ki butata mañi bwanaa kopani ni bona kaizeli Aoyama?

• Ki lika mañi zenee mutusize kutiya ni kuba ni bundume?—Jer. 20:7-9

• Kueza zeñata mwa bukombwa nekumutusize cwañi?

• Jehova ukona kumitusa kutiyela miinelo mañi yetaata yemukopana ni yona mwa bukombwa?