Broshuwa ya Ki bo Mañi Babaeza Tato ya Jehova Kacenu? ilukiselizwe kuitutiwa ni baituti ba Bibele foluitutela ni bona kaufela, ibe kwa makalelo a tuto kamba kwa mafelelezo a tuto. * Lituto 1 kuisa 4 litusa baituti kuziba hande Lipaki za Jehova, lituto 5 kuisa 14 libatusa kuziba ka za misebezi yaluna, mi lituto 15 kuisa 28 libatusa kuziba moisebeleza kopano yaluna. Hañata ki hande kunyakisisanga lituto zeo ka kuya ka molitatamanela, konji haiba kunani taba ye mwa tuto yeñwi yatokwa hahulu kuziba muituti ka nako yeo. Tuto ni tuto i fa likepe lililiñwi feela, mi hañata ikona kunyakisiswa ni muituti mwa mizuzu ye 5 kuisa ku ye 10.

• Muise hahulu mamelelo kwa puzo yeli toho ya taba ya tuto

• Mubale litaba za tuto yeo hamoho ni muituti wamina, ibe kulibala kaufelaa zona ka nako iliñwi kamba kulibala ka likalulo-kalulo

• Mubuisane litaba zemusazo bala. Muitusise lipuzo ze kwatasaa likepe, ni maswaniso. Mubale ni kunyakisisa mañolo abonisizwe emubona kuli aswanela. Mukoñomeke kuli litohonyana ze mwa muñolo otibile lialaba puzo yeli toho ya taba ya tuto

• Haiba kunani mbokisi yeli “Kuli Muzibe Zeñata,” muibale hamoho ni muituti wamina mi mumususueze kuitusisa akalezo yefilwe