KUPILA SINA BAKRESTE
Mwakuitusiseza Broshuwa ya Mu Teeleze ku Mulimu
Broshuwa ya Mu Teeleze ku Mulimu ilukiselizwe kutusa batu babasa zibi hande kubala kuli baitute lituto za mwa Bibele za makalelo ka kuitusisa maswaniso. Tuto ni tuto i fa makepe amabeli mi inani maswaniso amande anani lisupo zebonisa mwatatamanela maswaniso ao.
Broshuwa ya Mu Teeleze ku Mulimu mi mu Pile ku ya ku Ile inani maswaniso aswana ni a mwa broshuwa ya Mu Teeleze ku Mulimu, kono yona inani litaba zeñatanyana mi ikona kuitusiswa kwa kuituta ni baituti babaziba kubala. Hañata bahasanyi batabelanga kuitusisa yona, mutu yebaituta ni yena inzaa itusisa broshuwa ya Mu Teeleze ku Mulimu. Fa makepe amañata kunani mbokisi yenani litaba zeñwi zekona kunyakisiswa, kulikana ni buikoneli bwa muituti.
Mwakona kufa yeñwi ya libroshuwa zeo mwa simu ka nako ifi kamba ifi, nihaikaba kuli haki yona hatiso yefiwa mwa simu mwa kweli yeo. Hamuzamaisa tuto ya Bibele, muitusise maswaniso kutalusa litaba zeñozwi mwa Bibele. Mubuze lipuzo zekatahisa kuli muituti wamina ataluse maikuto ahae ni kumutusa kuutwisisa zaituta. Mubale ni kunyakisisa mañolo abonisizwe kwatasaa likepe ni likepe. Hase mufelize kuituta broshuwa ye, muitute buka ya Bibele I Lutañi Luli? kamba ya Bibele Ilulutañi? kuli mutuse muituti wamina kueza zwelopili ya kufita fa kukolobezwa.