KUPILA SINA BAKRESTE
Mutuse Lubasi Lwamina Kuhupula Jehova
Jeremia naafilwe musebezi wa kulemusa Majuda ka za sinyeho yenetaha bakeñisa kuli nebalibezi Mulimu wabona, Jehova. (Jer. 13:25) Nekutile cwañi kuli sicaba siipumane mwa muinelo omaswe wa kwa moya wo? Mabasi a Maisilaele naafokozi kwa moya. Kubonahala kuli litoho za mabasi nebasa lateleli taelo ya Jehova yeñozwi kwa Deuteronoma 6:5-7.
Kacenu, mabasi atiile kwa moya atusa kuli liputeho ni zona litiye kwa moya. Litoho za mabasi zakona kutusa mabasi abona kuhupula Jehova ka kubanga ni Nako ya Kulapela Sina Lubasi kamita, ili yetusa hande mabasi abona. (Samu 22:27) Hamulaho wa kubuha vidio yeli: “Manzwi A . . . Alukela Kuba Mwa Pilu Yahao”—Lipuisano za Lubasi, mualabe lipuzo zelatelela:
-
Mabasi amañwi akonile cwañi kutatulula matata akona kubapaleliswa kubanga ni nako ya kulapela sina lubasi?
-
Ki limbuyoti mañi zelukona kuba ni zona haiba lubanga ni Nako ya Kulapela Sina Lubasi kamita, ili yetusa hande lubasi lwaluna?
-
Ki matata mañi enitalimana ni ona aanipaleliswanga kuba ni nako ya kulapela sina lubasi, mi nilela kuatatulula cwañi?