LIBAKA KUEZA CWALO HAKULI KWA BUTOKWA: Buñata bwa batu babasaboni habaikutwangi kulukuluha kuambola ni batu babasa zibi. Kacwalo, luswanela kuba ni buanyu kuli lukutaze kwa batu babacwalo. Jehova waisa pilu batu babasa boni. (Liv. 19:14) Lwakona kumulikanyisa ka kuitatela kutusa batu babasa boni kuli baitute ka zahae.

MWAKUEZEZA CWALO:

• “Mubate” batu babasa boni. (Mat. 10:11) Kana kunani batu bomuziba babanani bahabo bona babasa boni? Kana mwa sibaka semukutalezanga kunani likolo, mandu mokubabalelwa babasa boni kamba libaka zeñwi kokufumaneha batu babasa boni ili babakona kutabela lihatiso zelukiselizwe batu babasa boni?

• Mubonise kuli mwabaisa pilu. Haiba lubonisa silikani ni kuli lwaisa pilu kwa batu babasa boni baka lukuluha kuambola ni luna. Mukale puisano ka kubulela litaba zebakona kutabela

• Mubafe lihatiso zekona kubatusa kuziba Jehova. Kuli ituse batu babasa boni, kopano ya Jehova ilukisize lihatiso za batu babasa boni mwa mifuta yeshutana-shutana. Mubuze mutu yomuambola ni yena mufuta wa lihatiso zatabela. Muokameli wa sebelezo uswanela kubona teñi kuli muzwale yatalima za lihatiso wakupa lihatiso zeñozwi mwa puo ya batu babasa boni ya mufuta watabela mubali