Bakreste bakona kuituta ku zeneezahezi kwa Maisilaele mwa mabala a Moabi. (1 Makor. 10:6, 8, 11) Maisilaele bane bakalile kuswalisana ni basali ba Mamoabi, bane banani muzamao wa buhule ni bane balapela milimu ya maswaniso, nebakukuelizwe kueza lika zemaswe. Taba yeo nei batahiselize butata. (Num. 25:9) Babañwi kwa batu belubeleka ni bona, belukena ni bona sikolo, beluyahile ni bona, bahabo luna, ni batu babañwi beluzibana ni bona, habalapeli Jehova. Ki lika mañi zelukona kuituta kwa taba ye ya mwa Bibele, ka za butata bwa kuswalisana hahulu ni batu babacwalo?

MUBUHE VIDIO YELI, MITALA YELI LITEMUSO MWA LINAKO ZALUNA—KALULONYANA YA VIDIO, KIHONA MUKAALABA LIPUZO ZELATELELA:

• Zimiri ni babañwi nebataluselize Jamini mihupulo mañi yefosahalile?

• Finihasi naatusize cwañi Jamini kuba ni mubonelo oswanela?

• Ki shutano mañi yemwahalaa kubonisa silikani ku mutu yasalumeli ni kuba mulikanaa hae?

• Ki kabakalañi haluswanela kutokomela haluketa balikani babatuna nihaiba mwa puteho?

• Ki kabakalañi haluswanela kuambuka kukena mwa likwata za fa mawebusaiti a kulumelana ka ona mashango mokunani batu belusa zibi?