Jehova ki “Mulimu yatabile,” mi ubata kuli lube ni tabo mwa bukombwa. (1 Tim. 1:11) Tabo yaluna ikaekezeha hahulu halunze luikataza kuekeza kwa buikoneli bwaluna. Kubuza lipuzo kukona kutahisa kuli mutu atabele lushango lwaluna, mi ki nzila yende ya kukalisa kuambolisana ni batu. Lipuzo litusa mutu kunahanisisa. (Mat. 22:41-45) Halubuza lipuzo ni kuteeleza ka tokomelo, lubonisa mutu yeluambola ni yena kuli lumuunga kuba wa butokwa. (Jak. 1:19) Kalabo yafa mutu yakona kulutusa kuziba zeluswanela kubulela.

MUBUHE VIDIO YELI, MUBE NI TABO MWA MUSEBEZI WA KUTUSA BATU KUBA BALUTIWA KA KUEKEZA KWA BUIKONELI BWAMINA MWA BUKOMBWA—MUBUZANGE LIPUZO, MI KIHONA MUKAALABA LIPUZO ZELATELELA:

• Ki mikwa mañi yeminde yene babonisize bo Tabo?

• Bo Neeta nebaitusisize cwañi lipuzo kuli babonise kuli baiyakatwa bo Tabo?

• Bo Neeta nebaitusisize cwañi lipuzo kuli batuse bo Tabo kutabela taba yende?

• Bo Neeta nebaitusisize cwañi lipuzo kuli batuse bo Tabo kunahanisisa?