Jehova ubata kuli lumusebeleze bakeñisa kuli lwamulata. (Mat. 22:37, 38) Kulata Mulimu kukatusa baituti ba Bibele kueza licinceho zetokwahala ni kutiyela miinelo yetaata yebakona kukopana ni yona. (1 Joa. 5:3) Lilato labona ku Mulimu ki lona lelika basusueza kuunga muhato wa kukolobezwa.

Mutuse baituti bamina ba Bibele kulemuha mwabalatela Mulimu. Mubabuze lipuzo zecwale ka: “Taba ye imilutañi ka za Jehova?” kamba “Taba ye ibonisa cwañi mwamilatela Mulimu?” Mubatuse kulemuha mo Jehova abatuseza ka butu. (2 Makol. 16:9) Mubataluseze mitala ya mo Jehova aalabezi litapelo zamina mi mubatuse kulemuha mo aezeza cwalo ni kwa litapelo zabona. Lubanga ni tabo yetuna halubona baituti ba Bibele habalata Jehova sina mwabalatela ni kubonisa kuli banani silikani sesitiile ni yena.

MUBUHE VIDIO YELI, MUTUSE BAITUTI BAMINA BA BIBELE KUBA NI SILIKANI SESINDE NI JEHOVA, MI KIHONA MUKAALABA LIPUZO ZELATELELA:

• Ki muinelo mañi otaata one bakopani ni ona bo Tabo?

• Bo Neeta nebatusize cwañi bo Tabo?

• Bo Tabo nebakonile kutiyela cwañi muinelo otaata one bakopani ni ona?