Lilato liswana sina silamatela sesiswalisanisa lubasi. Hakusina lilato, lubasi halukoni kuswalisana ni kusebelisana hamoho. Baana babanyezi, basali babanyezwi, ni bashemi bakona kubonisa cwañi lilato mwa lubasi?

Muuna yanyezi yanani lilato ukaisa pilu kwa lika zatokwa musalaa hae, kwa mubonelo wahae, ni maikuto ahae. (Maef. 5:28, 29) Ukabatela lubasi lwahae zelutokwa kwa mubili ni kwa moya, hamohocwalo ni kubanga ni Nako ya Kulapela Sina Lubasi kamita. (1 Tim. 5:8) Musali yanyezwi yanani lilato ukaipeya kwatasaa muunaa hae ni kumubonisa “likute lelituna.” (Maef. 5:22, 33; 1 Pit. 3:1-6) Batu babanyalani baswanela kuitatela kuswalelana ka pilu kaufela. (Maef. 4:32) Bashemi babanani lilato baisa pilu ku yomuñwi ni yomuñwi wa bana babona ni kubaluta kulata Jehova. (Deut. 6:6, 7; Maef. 6:4) Ki miinelo mañi yetaata yebakopana ni yona bana babona kwa sikolo? Basweli kutiyela cwañi kukuezo ya litaka zabona? Haiba mwa lubasi kuba ni lilato, ba mwa lubasi kaufela bakaikutwa kusilelezwa ni kuba mwa buiketo.

MUBUHE VIDIO YELI, MUZWELEPILI KUBONISA LILATO MWA LUBASI, MI KIHONA MUKAALABA LIPUZO ZELATELELA:

• Muuna yanyezi yanani lilato ukona kufepa ni kukatelwa cwañi musalaa hae?

• Musali yanyezwi yanani lilato ukona kubonisa cwañi likute lelituna ku muunaa hae?

• Bashemi babanani lilato bakona kuluta cwañi bana babona Linzwi la Mulimu ka kukuta-kutela?