Bakreste kaufela baswanela kubonisa buiswalo mwa taba ya kunwa bucwala. (Liprov. 23:20, 29-35; 1 Makor. 6:9, 10) Haiba Mukreste aikatulela kunwa bucwala, uswanela kunwa ka kuitikanelela. Hape uswanela kuambuka kuitinga fa bucwala ni kuambuka kusitatalisa babañwi. (1 Makor. 10:23, 24; 1 Tim. 5:23) Haluswaneli kuhapeleza mutu ufi kamba ufi kunwa bucwala, mi sihulu haluswaneli kuhapeleza babanca kueza cwalo.

MUBUHE VIDIO YA TUDOLI TOTUSWANISWA YELI, MUNAHANE ZEKONA KUEZAHALA HASE MUNWILE, KIHONA MUKAALABA LIPUZO ZELATELELA:

• Ki kabakalañi Bakreste kaufela habaswanela kulatelela milao yeama kunwa bucwala?—Maro. 13:1-4

• Ki kabakalañi halusa swaneli kulumeleza babañwi kuluhapeleza kunwa bucwala?—Maro. 6:16

• Lukona kuambuka cwañi matata atiswa ki kunwa bucwala?