MUIKATAZE KUPETA HANDE BUKOMBWA | MUEKEZE KWA TABO YAMINA MWA BUKOMBWA
Muitusisange Liswanisezo Kuli Mulute Lisupo Zetuna
Halueza misipili ya makutisezo kamba kuzamaisa lituto za Bibele, luswanela kutusa bateelezi kuutwisisa lisupo zetuna. Haluitusisa liswanisezo kuli lulute lisupo zetuna, luka bafita kwa lipilu ni kubatusa kuhupula zebaituta.
Hamunze muitukiseza musipili wa makutisezo kamba tuto ya Bibele, mukete liswanisezo zemuka itusisa kwa kutalusa lisupo zetuna, isiñi lisupo zenyinyani. Mi mukete liswanisezo zebunolo ili zebaziba bateelezi. (Mat. 5:14-16; Mare. 2:21; Luka 14:7-11) Munahanisise ka za lisimuluho ni misebezi yebaezanga. (Luka 5:2-11; Joa. 4:7-15) Hamuka lemuha tabo yabona kabakala kuutwisisa sisupo sesiñwi, ni mina mukaba ni tabo.
MUBUHE VIDIO YELI MUBE NI TABO MWA MUSEBEZI WA KUTUSA BATU KUBA BALUTIWA KA KUEKEZA KWA BUIKONELI BWAMINA MWA BUKOMBWA—MUITUSISANGE LISWANISEZO KULI MULUTE LISUPO ZETUNA, MI KIHONA MUKAALABA LIPUZO ZELATELELA:
-
Ki kabakalañi baituti ba Bibele habaswanela kutusiwa kuutwisisa litimana za mwa Bibele?
-
Ki mutala mañi one baitusisize bo Neeta kuli bataluse niti ye kwa Maroma 5:12?
-
Haluitusisa liswanisezo zende, lukafita baituti kwa lipilu
Liswanisezo zende likona kutusa cwañi bateelezi baluna?
-
Haluli mwa bukombwa, ki kabakalañi haluswanela kuitusisa mavidio ni lihatiso zeñwi zeluitusisanga kwa kuluta batu zelufilwe ki kopano ya Jehova?
