Kukalimela kuama kulaela ni kuluta, kono hape kukopanyeleza kusikulula ni kufa koto. Jehova walufanga kalimelo kuli lukone kumulapela ka nzila yemutabisa. (Maro. 12:1; Maheb. 12:10, 11) Ka linako zeñwi, kalimelo ibutuku, kono itahisa kuluka ni limbuyoti. (Liprov. 10:7) Ki lisupo lifi zebaswanela kuhupulanga babafa kalimelo ni babafiwa kalimelo?

Babafa kalimelo. Baana-bahulu, bashemi, ni babañwi baswanela kueza mobakonela kaufela kuli bafe kalimelo ka nzila yebonisa sishemo ni lilato sina Jehova. (Jer. 46:28) Nihaiba kalimelo yetiile iswanela kufiwa kulikana ni muinelo ni ka nzila yebonisa lilato.—Tite 1:13.

Babafiwa kalimelo. Kusina taba kuli ki kalimelo yecwañi yelufiwa, haluswaneli kuihana, kono luswanela kuisebelisa honafo feela. (Liprov. 3:11, 12) Ka kuba batu babasika petahala, kaufelaa luna luswanela kufiwa kalimelo, mi ikona kufiwa ka linzila zeshutana-shutana. Lwakona kufiwa kalimelo ka litaba zelubala mwa Bibele kamba zeluutwa kwa mikopano ya puteho. Mi ka linako zeñwi, babañwi batokwanga kufiwa kalimelo ki katengo ka buatuli. Haiba luutwa kalimelo ni kuisebelisa, lukafumana bupilo bobusa feli.—Liprov. 10:17.

MUBUHE VIDIO YELI “JEHOVA UKALIMELA BALATA,” MI KIHONA MUKAALABA LIPUZO ZELATELELA:

• Bo Canon neli batu babacwañi kwa makalelo, mi bupilo bwabona nebucincize cwañi?

• Jehova naabafile kalimelo mañi yelilato?

• Luitutañi ku zeneezahezi ku bona?