Halunze luitiisa mwa “mazazi a mafelelezo” a maungulelo a, lulibelela kuli miinelo yetaata ikaekezeha hahulu. (2 Tim. 3:1; Mat. 24:8) Hakubanga ni likozi, batu ba Jehova hañata bafiwanga litaelo zekona kubatusa kuli basilelezwe. Kuli lusilelezwe ka nako ya kozi, luswanela kuitukiseza cwale, kwa moya ni kwa mubili.—Luka 16:10.

• Muitukiseze kwa moya: Muitwaeze kuba ni tomahanyo yende. Muitute mifuta yeshutana-shutana ya bukombwa. Musike mwaikalelwa haiba mukauhanywa ku babañwi mwa puteho ka nakonyana. (Isa. 30:15) Hamusika kauhanywa ku Jehova ni Jesu.—od 176 ¶15-17

• Muitukiseze kwa mubili: Kwandaa kuba ni mukotana olongelezwi cimo lika zetokwahala, lubasi ni lubasi luswanela kubuluka lika zeñwi zelikani zecwale ka lico, mezi, milyani, ni lika zeñwi za butokwa, ili zebakona kuitusisa haiba kutokwahala kuli baine fa sibaka sabona ka nako yetelelenyana.—Liprov. 22:3; g17.5 4, 6

MUBUHE VIDIO YELI, KANA MUITUKISELIZE LIKOZI ZESIKA LIBELELWA? MI KIHONA MUKAALABA LIPUZO ZELATELELA:

• Kuba ni silikani sesitiile ni Jehova kukona kulutusa cwañi kuitukiseza kozi?

• Ki kabakalañi haluswanela . . .

  • kuambolisananga ni baana-bahulu ni kubafa linombolo zaluna za foni?

  • kulongelela cimo lika zeluka tokwa kuitusisa hakuba ni kozi?

  • kunyakisisa mifuta ya likozi zekona kuezahala ni zelukona kueza mwa muinelo ni muinelo?

• Ki linzila lifi zetaalu zelukona kutusa ka zona babañwi babatahezwi ki kozi?

MUIPUZE KULI, ‘Lika zeezahezi ka nako ya butuku bwa COVID-19 linilutañi ka za kuitukiseza?’