Ka kuba batu babasika petahala, lunani kuzwelapili kuikataza hahulu kuli lusike lwazamaiswa ki litakazo zaluna. Haiba lulumeleza litakazo zaluna kuluzamaisa, Jehova hanaa kulushemuba. Ka mutala, batu babañwi balata hahulu lico, liapalo, ni mandu kufita mobalatela Mulimu. Babañwi bakulisanga takazo yabona ya somano ka nzila yesalumelelani ni likuka za Mulimu. (Maro. 1:26, 27) Mi babañwi batuhelelanga batu babañwi kubakukueza kueza lika zemaswe kabakala kubata kuli babatabele.—Exo. 23:2.

Lukona kueza cwañi kuli lusike lwazamaiswa ki litakazo zaluna? Luswanela kuikataza hahulu kuli luise pilu kwa lika za kwa moya. (Mat. 4:4) Hape, luswanela kukupa Jehova kuli alutuse kuli lusike lwazamaiswa ki litakazo za luna. Kabakalañi? Kabakala kuli waziba lika zekona kulutusa mi waziba mwakona kukuliseza litakazo zaluna.—Samu 145:16.

MUBUHE VIDIO YELI MUSIKE MWAEZA LIKA ZEKONA KUSINYA BUPILO BWAMINA, MI KIHONA MUKAALABA LIPUZO ZELATELELA:

• Ki kabakalañi batu babañwi habazubanga?

• Ki lika mañi zekona kuezahala kumina kabakala kuzuba?

• Ki kabakalañi kuzuba hakufosahalile?—2 Makor. 7:1

• Mukona kutuhela cwañi kuzuba kamba mane kuhanela mutu yamikukueza kuzuba?