Lifasi le halinze liya kwa mafelelezo, lulibelela kuli mifilifili, likezo zesabisa, ni lindwa likaekezeha. (Sin. 6:4) Lukona kuitukiseza cwañi miinelo yetaata yekaezahala kwapili?

• Muitukiseze kwa moya: Mulemuhe likuka ni mitala ya mwa Bibele yetiisanga tumelo yamina ku Jehova ni kwa kopano yahae ni yemitusanga kuikambusa kwa lifasi. (Liprov. 12:5; jr 125-126 ¶23-24) Ye ki yona nako ya kutiisa hahulu silikani samina ni mizwale ni likaizeli mwa puteho.—1 Pit. 4:7, 8

• Muitukiseze kwa mubili: Mulukise ka momuka isileleleza haiba hamuna kuzwa fa ndu yamina mi mubuluke lika zakuituisisa. Hape, haiba mukatokwa kuzwa fa ndu yamina mulukise lika zemukaeza. Mutatube lika ze mwa mukotana momubulukelanga lika za kumata ni zona hakutaha kozi, mi mubeye mwateñi liitusiso za kuisileleza ka zona zecwale ka ma-mask, kamba magulovu mi mubeye mwateñi ni masheleñi. Mubone teñi kuli munani linombolo za mafoni a baana-bahulu mi ni bona babe ni limbolo zamina.—Isa. 32:2; g17.5 3-7

Ka nako ya mifilifili, muzwelepili kueza lika za kwa moya zemuezanga kamita. (Mafil. 1:10) Muambuke kuzamaya-zamaya konji haiba kunani libaka hamutokwa kueza cwalo. (Mat. 10:16) Muikabele ni babañwi lico zemunani ni lika zeñwi za kuitusisa.—Maro. 12:13.

MUBUHE VIDIO YELI KANA MUITUKISELIZE LIKOZI ZESIKA LIBELELWA? MI KIHONA MUKAALABA LIPUZO ZELATELELA:

• Jehova ukona kulutusa cwañi ka nako ya likozi?

• Ki mihato mañi yelukona kuunga kuli luitukiseze likozi?

• Lukona kutusa cwañi batu babatahezwi ki likozi?